佛山街～～～性价比高葛野吃地方汇总.doc

北香园饺子堂吃一蚊一只，外卖九毫一只。D馅料都算系比较足，好多肉同韭菜沟买一起，令口部感觉十分充盈，虽然饺子一文一只都吾算便宜，不过对比起其他地方馅料又少，皮又厚重要买到五毫子一只葛饺子来讲，北香园D饺子都算系甘了（不过D姨记D服务态度就认真差）。交技门口烧烤档葛烧鸡翼两蚊半一只。不过个度好鬼多人吃加，次次去都要等好耐先有得吃，其他食品味道都吾错，不过本人觉得性价比最高最抵葛都系烧鸡翼，两蚊半烧到KFC奥尔良鸡翼葛水准都算系甘了。辉记芝麻糊两文一碗。辉记糖水出名便价多人吃就系人都知葛了，不过讲到性价比最高葛糖水我就觉得系芝麻糊罗，你念下，芝麻鬼甘贵一斤，你系出面超市买包好吃葛芝麻糊自己反去冲都差唔多价啦，而且煲葛芝麻糊当然好味过冲葛，至于其他葛番薯糖水啊，花生糊，边有芝麻甘贵（至于杏仁糊，杏仁虽然贵过芝麻，不过据D杏仁糊苦葛，我就吾中意吃了），所以味道加价钱当选芝麻糊啦！彩蝶轩芝士批十八蚊一只。之前都发过马德利同彩蝶轩芝士批性价比之战葛贴了，D人都认同我讲葛彩蝶轩芝士批好吃过马德利芝士批葛意见。除此之外，我会觉得据性价比比较高葛原因系，我系广州都吃过同类型葛芝士批，普遍都要二十五蚊以上一个，仲要无甘大件添，你再睇下佛山葛SOFT 同天使简约个度D芝士切件葛价钱，你就明白我点解会推荐彩蝶轩芝士批葛了。更重要系据要好味道先对得住个价钱！恒香方包加合桃酥方包三蚊半一袋，有会员卡就三蚊二；合桃酥四蚊一袋，有会员卡就三蚊六。我系综合塞佛山街恒香，马德利，名古屋，彩蝶轩，皇冠，香江一本呢D面包连锁店葛出品得出来的结论。呢两样野吃的确比较好味，而且围起一袋方包十二块，一袋合桃酥八块绝对要比其他面包店同类型产品要便啊！（ps:迟D发张贴对比下佛山各大面包店出品，敬请关注！）市政府西门出来左转友记茶餐厅早餐牛肉肠两蚊半一碟。D牛肉分量好足，有D似系剁碎葛牛肉球甘葛味道，肠粉比起我系广州吃个D五蚊一碟葛重要大碟（本人五中意吃港式肠粉，好似吃肉片甘，剁碎葛馅料拉出来葛肠粉先体现到肠粉葛精髓啊），等于粥家庄十蚊葛分量罗（不过D卫生就认真麻麻）。话说铭将羽毛球馆对面食为天四蚊一只超大烧生蚝，不过要半打起，系我至今见过最大的烧生蚝，绝对比而家葛林记（林记系一档以前吃烧生蚝好旺葛大排档，不过而家比起以前就差左好多，据闻以前个老世仲会当场啪只生生蚝过你睇，话系保证干净新鲜甘窝）；仲有二十文一斤鱼生，听讲而家草魭就48元一条，买两条送一条，甘样就变成96元三船鱼肉，平均三十二元一船鱼生，根据以往去吃鱼生葛经验(一般食市都会呃称)，一船鱼生就大概要称到有两斤距先会帮你整一船，甘样计一船都四十蚊以上了，甘就当然系食为先掋D啦；至于三文鱼就三十八蚊一船，不过就唔知道有几重甘罗（至于你话断斤称目前吃过三文鱼鱼生最便葛地方就系东方广场葛又一町了，48元一斤，不过本人对三文鱼嘛嘛，掋唔掋吃就见人见智了。）之后又去过，发觉食物质量唔稳定！时好时坏！讲起鱼，而家就向大家隆重推介本人最中意吃葛鱼就系酸菜鱼了。东方广场对面德胜楼四楼老四川酸菜鱼，二十八元半条，三十八元一条。你睇个价钱，你可能觉得都唔系好便，但系如果同距葛分量，味道联系埋一起葛哇，我觉得距绝对掋过表哥，火红红啊呢D佛山老牌葛川菜馆（听讲距地以前都做得唔错，不过而家食市葛食物品质一代不如一代，我上次去过就发觉距地系一味得个咸同辣，无咩鱼葛鲜甜葛味道，而且分量都比较少 虽然二十几蚊一份，但系都唔够老四川二十八元半条多）。圣堂街人人餐厅猪肉肠一板半就两蚊半，两板就三蚊（如果你胃口比较大，就当然拣吃两板三蚊葛分量比较适中）。呢间野D肠粉系附近都算系比较出名个种，好鬼多人晨早去个度吃早餐，点解？当然系D早餐好味又掋吃先多人去了，粥四蚊一碗，D料都几多，油炸鬼一蚊一条，好吃过大可以。所以本人就成日上班顺路去个度吃早餐，而本人比较推崇葛系个度葛猪肉肠（因为牛肉肠NO1已经比友记霸占左了，）虽然唔够有记肠粉大碟，不过D味道同口感本人就觉得略胜有记小小了，粉质比有记滑，仲有好味道葛酱油辣椒圈做佐料（我口味偏甜，个度D酱油辣椒圈有D甜甜地，就岩晒我了）。另外，个度仲有五元一碗又系吃到你滞葛牛腩粉，牛腩比较嫩，又入味，比起大可以，应记整个D好吃好多，又便过距地，所以我间中都会整翻碗！由于我本人系属于个种比较容易肚子饿葛人，所以要常备D零食啊，饼干啊，点心啊，之类葛以防自己肚饿，至于买呢D野边度最掋，我就觉得以下几个地方都可以普君市场对面巷子一间不知名饼店。有好多唔同品种葛饼买，例如绿豆饼，花生饼，盐硝饼，芋头饼，红豆饼等等（系个种出面系烘个饼皮，入面系个D夹心葛，吃开潮汕绿豆饼葛人应该知道），价钱系6.5蚊一斤，围埋大概五毫一个，不过我建议各位断只买会掋D，因为一只就五毫，十三只就6.5蚊，我上次试过买左一斤6.5蚊都系得十二只。所以一只只买比较保险，估价同饼皮葛厚度有关，厚D就重D甘了。个度只只饼我都几乎试匀晒，觉得最好吃都系各只盐硝饼，仲要唔系度度有得买，D味道几特别，咸咸甜甜甘，距话系用芝麻整葛，岩岩新鲜整出来个D酥里嫩，我可以一次吃好鬼多只葛。（不过我要提醒大家，个D饼放耐佐，或者隔夜就唔好吃葛了，一定要趁新鲜先买）。点解话距掋了，一来系我觉得距都几好味，二来系而家周围都有五毫一个绿豆饼买，不过通常都系放左好耐或者系加左防腐剂个种，边有个度甘新鲜(听讲个度D饼系日日清)，至于个度其它出品，例如杏仁饼，花生糖，虽然唔算贵，但都唔算好吃，所以我就唔推荐了。东方广场一本零食店芝士饼1.5元一条。我次次去都会买十几条砸袋葛，因为芝士味个种好鬼抢手，上次去到，距话芝士味买晒剩翻其它味，我又觉得其它味唔好吃，所以失望到鬼甘就离开左，都无心情睇其它零食了。个D芝士饼，有买开零食葛朋友就知道，隔离SUGARS系买到程三蚊一条葛，由于我经常到零食店去革价，觉得比较掋所以推荐比大家，D口感有D似奇宝格斯，但系无甘松脆，但系又无向日葵个只芝士饼甘韧窝（十元三包，又系好多人买。）不过千奇唔好买8.5个种话特价葛芝士饼，我试左一次就觉得比人水左，又贵又唔好吃，后来听朋友广州北京路个边先买7.5吒。近排发现佛山多左好鬼多葛零食档，价钱有贵有便，不过就普遍比广州果边要贵2-3元，如果各位想去广州个边扫荡零食葛哇，就介绍北京路个间春之花（广州有好多间春之花零食连锁，但唔系间间都甘便，有D例如地王广场个间春之花系中鬼过佛山个葛一本葛啵），位置大概系北京路转入文德路葛路口个度(路口有个人行立交)，系目前，本人去过买零食最便葛铺头，隔离仲有间亨亨（系一家做左都几耐下葛老牌零食店，我最早期就系据个度葛常客来咯，本来仲有间缤缤，感觉两间系一起葛，d零食款式多到你唔信啊，不过后来缤缤搬左，D款少佐好多，我就无甘经常去了）系度顶市，如果各位怕买贵，就两间都行匀来革价就包唔会买贵了）。讲翻起零食，本人系个无零食不欢葛人，成日都中意吃住零食做其它野，觉得好有满足感，不过成日吃买D鬼死甘贵葛零食，念念下都唔系办法，所以就练就做一身零食革价葛功夫。而家系佛山葛零食店当中，一本同SUGARS（都系东方）算系买零食最便葛地方（虽然便唔过广州），我一般都会去个度买。而据地有D抵吃夹大件葛零食系买买下就无得买葛了（可能觉得赚得少），我试过买过巨型虾条，7.5元，分量大概系二十包上好佳虾条葛分量，味道都可以，几重虾条味，吃到我傻下傻下甘，所以好难讲据几时又会弹D抵吃夹大件葛零食出来。我而家就同大家讲下据长期都有货葛几只比较抵吃葛零食了。一本芝士饼，1.5元一包，上面介绍过了。百力滋，2.5元一包，无夹心个种，其中我最中意吃白脱味，咖喱味就比较适合口味重葛人，至于其他味道就因人而异，自己中意吃咩味就拣咩味就最实际。向日葵，3.5元一包，十元三包。中意香脆葛人可以试下只不规则饼干，5.5元一包。SUGERS瑞士卷，瑞士卷有两种，一种外层无包野，一种系外层包左朱古力葛，两种价钱，理论上应该包朱古力个种系比较贵，但系系SUGERS ，就两种都一样价，16.5元一包，而一本就买到16.5-18.5元一包不等葛价钱，所以系SUGERS买就抵d罗。至于饮料就都系系一本买比较便宜，首推绿力4元一罐，你系佛山其他地方绝对稳唔到呢个价，其次我就比较中意饮东海堂葛杨枝甘露，3元一罐，比7仔，同其他超市便1-2元。四季丰季华六路，天湖郦都斜对面间。D特价菜睇落好似好平甘，尤其系有太阳鱼1元一条，五柳炸蛋5元一份，叉尾钳六元一条，哇，睇到D价钱你都唔相信自己葛眼睛，边有甘大只蛤蟆随街跳，事实证明个度D野吃，味道的确好一般，但系价钱就佛山街同一规模的食市来说都算系好便下。不过我建议，去个度但求便便地填饱个肚就算了，太追求味蕾享受的朋友就千奇唔好去了。 寻晚又去左伟少美食度南沙街，岭南明珠向大福加油站方向右转进一条小巷。尝试左下D人讲葛小灵通甘大只葛烧生蚝，发觉都系比人水左，D人话可能因为而家五系吃蚝葛季节，所以D蚝五靓五大只，晤知信唔信好呢，之前见D人都系C2000发过关于呢间野葛贴，讲到好似好好甘，搞到我好鬼失望。要讲又平又好吃，就一定要提佛山葛牛杂档，亦都算系佛山一大特色，同烧烤档一样，识去稳你就可以吃到好味道葛。闻记牛杂天海酒家旁，叙香园（原来的雅苑）旁边的巷子进去。个度D服务态度比起修记（同济路个间，已经好耐历史了）个D好好多，又无甘贵，仲有只咖喱汁，味道几特别，十几蚊就可以吃到你死死下甘，款几多，材料睇罗亦都几新鲜，所以我觉得已经可以取代修记NO1葛地位了。街口牛杂系叙香园对面过小小。D料同闻记差唔多，不过分量好似少D，酱汁葛品种都无甘多，不过历史就要比闻记要久远罗，都几多人去吃甘加！修记牛杂系同济小学旁边葛巷子入面。算得上系佛山最老资格葛牛杂档了，听讲而家系个阿伯葛仔系度做紧，但系出品远唔及以前，D野都好贵啊，服务态度又麻麻喔，所以我都无咩点去了。寻日同个朋友起去左东平河边，姐系大堤个度吃河鲜啊，好鬼旺，距D操作系甘既，系一边买左D河鲜之后，到另一边葛类似酒店葛大排档去加工，个度D河鲜都几便宜下甘，寻日吃个D圣子先十蚊一斤，仲有一种不知名葛螺38元一斤，个朋友话好好吃吃左好多，不过由于本人对河鲜麻麻，就不多予评价了，各位如果想去吃河鲜葛话可以去过度试下加！之前个排佛山米开左好多，葛鱼蛋系鱼蛋届都算系比较出名葛种葛了，不过我反而中意吃据个度葛关东煮，性价比高啊，3.5元两串，系7仔来讲我觉得都算抵吃葛了，点知后来发掘到有个地方仲抵吃（吾包括卫生状况在内），系佛山都算耐历史葛一条食街，无错了，就系系百花广场同百花总汇夹住葛个条巷子入面，D肉丸1.5元一串四颗，围埋三毫几一颗，味道同七仔D心意串不相上下啊，七仔就要差唔多一蚊一颗甘葛价钱罗，我建议各位去进入巷子之后葛第二间度买，有5元一份14颗葛，仲抵，而且酱料葛款式多好多（不过千奇五好试D鱼蛋啊，个度葛鱼蛋同7仔葛完全无得比啊，甚至讲得上系难吃个种罗）。系度要好多谢一个朋友，成日甘带我周围吃试D新野，先有便，靓，正葛野介绍比大家。都系据带我去葛，一间位于过左文庆桥直落小小葛宵夜档，个名叫聚香园（听讲原名叫做东益）葛宵夜档，我上次去试过个度D烧生蚝，D烧生蚝烧得唔错之余，小蚝先10元一打，中蚝20元一打，大蚝28元一打，我地吃个种系大蚝，吃完一致觉得距葛性价比，比起食为天4元一只超大生蚝要高，而且据话而家店庆，炒三个菜送一个青菜甘话喔，睇个餐牌，距葛炒菜都比较便宜，不过我地无试过，就唔知道味道如何，各位点餐前记得要问清楚据点样先有得送啊，五好比人稳笨窝！华苑粥粉面开反了，寻日同个朋友去左吃啊，我地一致甘认得收银各个就系原华苑葛各个女仔，再加埋同原来葛味道一样葛出品，足以证明呢间华苑就系原来个间了，五元一份的杂果刨冰系我葛最爱啊，仲好记得以前经常同朋友运动完过去整反两大份慢慢葛刨冰的日子，至从据执左之后就再稳悟道其他档口可以吃到又便又好味葛刨冰了，同大家介绍下个度D出品先：刨冰，杂果，水果，玉米都系五蚊一份葛，其他仲有绿豆之类葛就四蚊牛腩，个度葛牛腩都整得唔错，熬的比较绵，又入味，以前最多人去吃葛就系个度牛腩粉五蚊一份。炒面，系我葛朋友介绍底下，我就更加中意吃以前系个度没吃过葛炒面，炒得几香，不过就比较咸，有牛腩葛五蚊一份，斋面就三元。冰水，首选玉米冰，甜甜地好解渴，两元一杯。个度仲有猪脚姜啦，云吞啦，不过我就比较少吃，因为觉得无据个度葛招牌牛腩甘吸引啊嘛！总葛来讲，个度系一个性价比高葛吃野地方来葛，位置系据原址葛附近，南海桂城医院直入两百米左右。今次向大家隆重推介,日式料理_寿司.都唔知点解,以前都唔中意吃生冷嘢葛,但系近期就爱上左吃寿司,尤其系三文鱼刺身.一个礼拜去左东方广场间又一町唔知道几多次,简直就当饭堂甘用了. 个度D三文鱼系比较抵个种,48元一斤,系佛山来讲就性价比比较高,不过你系点三文鱼个阵注意要半斤半斤甘叫,同时要要求系厚片,点解要系厚片呢?因为我吃落就觉得厚片口感好的,满足感多D,而且最重要系分量比较多啊嘛O(_)O,不过讲起分量,好多时候要睇个度D师傅葛心情好唔好了,我试过连续几次过去,次次D分量都唔一样葛.至于又一町葛寿司就整的好一般,统一价钱6元一碟,所以分量就肯定唔多葛了,味道中规中矩甘了.大禾寿司-依间嘢出名比较贵葛了,但系分量同品质都算系寿司连锁店入面比较有保证个种,就罗蟹籽寿司来讲,D蟹籽的