美在花城韩国外景脚本5.doc_第1页
美在花城韩国外景脚本5.doc_第2页
美在花城韩国外景脚本5.doc_第3页
全文预览已结束

下载本文档

版权说明:本文档由用户提供并上传,收益归属内容提供方,若内容存在侵权,请进行举报或认领

文档简介

“美在花城”韩国外景脚本5VO:上一集,“美在花城”16强选手喺明洞进行大斗法,一拼时尚功力!最后,12号选手关紫宜凭借住一身时尚简约嘅衣饰,赢得我哋时尚教父Nelson嘅认可!今日,一班“花儿”密锣紧鼓畅游韩国,捉紧最后嘅机会感受韩国靓景、体验饮食文化、领略韩国魅力。“至美星计划”之“韩国之旅”,花儿继续出发!(上集回顾、本集预告)VO:今次,16位选手喺韩国唔同嘅景点留下好多美丽身影,誓要将明星魅力散发喺“造星天堂”嘅每个角落。而家,“花儿”就登上韩国知名嘅首尔观光塔,喺地标之上一览韩国靓景。(某选手在观光塔底的串词)VO:足足有236.7米高嘅首尔观光塔,建喺海拔243米嘅南山上,所以高度特别出众!当一班选手企喺首尔全新高度嗰阵,佢哋个个都感受多多!(选手介绍同心锁、观光塔上各位选手的介绍串词)VO:一班“花儿”经历咗长达个几月嘅“明星学院”培训之后,个个成功美丽蜕变。当佢哋企喺世界友人面前,都可以自如咁将自己最靓嘅一面展现出嚟!(选手在N首尔塔上摆pose)VO:俯瞰咗一番秀丽嘅首尔靓景之后,“花儿”决定要喺韩国学翻门烹饪手艺。大家都知道,喺韩国,冇泡菜嘅饭枱系令人难以想象噶。所以,韩国人绝对系对泡菜情有独钟,每家每户都有专门保管泡菜嘅“冰箱”,所以话,喺韩国,咩都可以唔识煮,不过泡菜一定要识整!(老师讲解如何整泡菜)VO:经过韩国老师一轮亲力亲为嘅教学之后,一班选手已经准备就绪啦!今次,Nelson仲亲身上阵考验我哋嘅“花儿”。(Nelson开场串词)VO:喺韩国,自然发酵而成嘅泡菜与其话系食物,不如讲系药物。因为发酵过程中产生的乳酸菌系有助于消化,据闻仲具有防癌作用。所以,泡菜蕴含住韩国人嘅民族魂,可以话系韩国嘅又一代名词。(现场选手整泡菜的散镜)VO:虽然今次考验选手嘅唔系腌制泡菜,不过“花儿”要将佢哋整到好好睇睇咁摆上枱,其实都几考功夫咖!(选手整泡菜形状的过程)(Nelson过程中点评)VO:经过一轮巧手设计之后,唔知选手对韩国泡菜系咪有咗更加深刻嘅认识呢?(补采访:苏荻、陈胜楠讲韩国泡菜与中国泡菜的不同)VO:虽然话,唔少韩国美食都系以清淡为主,不过依然仲有好多特色美食好吸引人,好似韩国烤肉,就系唔少选手嚟韩国之前,最期待嘅美食啦!(选手讲韩国烤肉)VO:好多人钟意韩国烤肉,都系因为钟意嗰种围住炭火边烤边食嘅感觉。原来“花儿”食烧烤嗰阵,都有D心得噶窝!(李雯雯讲鱿鱼)VO:饮饱食足之后,“花儿”继续出发,究竟系乜嘢令一班平时斯斯文文嘅选手都尖声惊叫呢?广告翻嚟,我哋即刻揭晓!VO:上一节,“美花”16强选手喺首尔观光塔上一展美艳姿态,仲亲手炮制充满个性嘅韩国泡菜,佢哋嘅“韩国之旅”认真精彩!不过,好嘢陆续有嚟,即将迎接一班“花儿”嘅,系一场世界瞩目嘅韩国乱打SHOW!VO:“乱打”其实系韩国喺上个世纪90年代末独创嘅音乐喜剧,英文原名系“NANTA”。因为佢系以韩国传统“四物游戏”嘅旋律为素材创作出嚟噶,所以系一种敲击节奏感好强嘅表演!而家,一班“花儿”已经坐定定,等开SHOW啦!VO:平常我哋欣赏音乐剧,习惯性用嘅动作都系“睇”,不过,哩个乱打SHOW,用“玩”哩个字眼会更加贴切。因为,仲未正式开场,全场个人已经High起身啦!(暖场的画面)VO:哩个SHOW以大型厨房为舞台,内容表现咗4位厨师为婚宴煮菜嘅全过程。佢哋通过敲击厨房唔同嘅厨具,制造出有节奏感而且特别有爆发力嘅旋律!将韩国传统嘅敲击表演赋予全新元素!(NANTA 的片段)VO:乱打SHOW嘅知名度已经高到可以进行“世界巡回演出”,仲定期喺美国百老汇舞台上演,难怪一班选手兴奋到花容失色啦!(选手被邀请上台参与互动)VO:当西方音乐元素融入咗韩国传统音乐表演时,一场世界瞩目嘅乱打SHOW就诞生咗!今次,16位“花儿”话要亲自出马,请教台上几位“厨师”,点解个SHOW会咁精彩!(选手采访表演人员)VO:见到一班“花儿”咁精灵又咁好奇,NANTA嘅表演人员决定俾个机会其中一组选手,等佢哋一尝演出嘅滋味!(在台上学习乱打)VO:学咗咁耐,系时候睇睇四位“花儿”嘅拜师成果啦!SHOW TIME!(表演、点评)VO:韩国乱打SHOW,一个不断培养舞台新星嘅音乐喜剧。表演者都系一班年轻人,佢哋为咗坚持自己嘅舞台梦想,力求将最出色嘅演出展现喺世人面前。哩份坚持,非常值得“花儿们”学习咖!VO:精彩嘅演出为今次“韩国之旅”画上一个完美嘅句号!喺7日嘅外景特训里面,一班“花儿”成功喺韩国展现咗东方女性优雅亮丽嘅一面!佢哋踏足韩国各大靓景嘅同时,仲领略咗唔少当地特色文化。喺今次“造星之旅”入面,“花儿”有咩感受呢?(补采访:选手回顾,穿插回顾片段)VO:经历今次“至美星计划”之“韩国之旅”,16强选手练就咗集典雅同活力于一身嘅时尚气质,佢哋离成为“真正嘅明星”,只系一步之遥。10月13号晚上,一班“花儿”将会喺总决赛嘅舞台上绽放华丽身姿,成就明星梦想!VO:下个星期,我哋一齐嚟回顾一下今届“美在花城”16强选手嘅“造星”全过程。1号选手胡雯燕同2号选手熊欣系点样被列入“至美星计划”嘅

温馨提示

  • 1. 本站所有资源如无特殊说明,都需要本地电脑安装OFFICE2007和PDF阅读器。图纸软件为CAD,CAXA,PROE,UG,SolidWorks等.压缩文件请下载最新的WinRAR软件解压。
  • 2. 本站的文档不包含任何第三方提供的附件图纸等,如果需要附件,请联系上传者。文件的所有权益归上传用户所有。
  • 3. 本站RAR压缩包中若带图纸,网页内容里面会有图纸预览,若没有图纸预览就没有图纸。
  • 4. 未经权益所有人同意不得将文件中的内容挪作商业或盈利用途。
  • 5. 人人文库网仅提供信息存储空间,仅对用户上传内容的表现方式做保护处理,对用户上传分享的文档内容本身不做任何修改或编辑,并不能对任何下载内容负责。
  • 6. 下载文件中如有侵权或不适当内容,请与我们联系,我们立即纠正。
  • 7. 本站不保证下载资源的准确性、安全性和完整性, 同时也不承担用户因使用这些下载资源对自己和他人造成任何形式的伤害或损失。

评论

0/150

提交评论