闽南语演讲稿落雨天张淑芬撰稿_第1页
闽南语演讲稿落雨天张淑芬撰稿_第2页
闽南语演讲稿落雨天张淑芬撰稿_第3页
全文预览已结束

下载本文档

版权说明：本文档由用户提供并上传，收益归属内容提供方，若内容存在侵权，请进行举报或认领

文档简介

1、閩南語演講稿落雨天張淑芬撰稿各位評審、各位來賓大家好：真歡喜，今仔日有這個機會用台語來演講，頭起先，我先來做一個謎猜乎恁臆，請恁詳細聽 一枝竹仔通天長，胡蠅 （蒼蠅） 蚊子不敢吮 （舔） ，乎恁臆，這是啥物貨？對，歸欉好好無錯，就是落雨，我今仔日欲演講的題目就是和落雨有關係叫做落雨天、落雨天。俗語講：烏雲飛上山，棕蓑 （簑衣） 提來幔 （披著） ，有一天的早時，天頂好親像歹人欲出現同款烏天暗地，一睏仔囝，雷公爍爁 （打雷閃電） ，雨水乒乒乓乓捙咧倒 （傾盆大雨） ，好親像千軍萬馬，飛天掛桷 （踏過屋頂而過） 溜溜來，街仔頂，閃雨縫的人滿滿是，亭仔跤 （騎樓） 匿雨的人挨挨 kheh kheh

2、（人多而相擠相碰 ），計程車的人客載袂離，去到學校，四界攏親像雞蛋攃簽沓沓滴滴，這天就是我上佮意的落雨天，是按怎講咧，因為落雨天的時陣，阮就毋免去運動場升國旗、做體操；嘛毋免聽校長、主任講佮躼躼長，擱毋免上討厭的體育課，有可能老師擱會帶阮去電腦教室打電腦喔，所以我上佮意落雨天。落雨天，聽著雨聲，我的心情特別好，雨水咚咚咚 的聲，干若親像夯著鼓槌咧挵鼓，奏出一首美麗的音樂，乎人聽了精神百倍，簾簷跤 （屋簷下）的雨水，好親像深山林內的水沖 （瀑布） ，真媠真媠，我倚佇窗仔門邊那看、心內那想阿嬤講過的話簾簷跤水 滴原位好天就存雨來糧這就是咧勸咱愛跤踏實地，教咱愛會曉勤儉，擱有西北雨 落袂過田岸霎霎仔

3、雨，落久土嘛會澹等等真濟真濟和雨水有關係的諺語，毋若 （不只） 趣味擱湊句，逐句攏充滿古早人的經驗佮智慧，會凍講是咱生活文化的金言玉語。雨已經落有一款仔，門口埕的水嘛滇 （滿） 起來，我就招隔壁的囝仔，夯雨傘穿雨鞋去外口蹽水，擱提紙做紙船仔，順續 （順便） 捉兩隻黑螞蟻，乎因坐佇紙船仔頂跟雨水流去，看因驚惶的型真好耍，常常嘛因為按呢耍共歸身軀澹漉漉，去乎阿母撞著 （撞見） ，阿母就展出伊的傳家佛經踅踅唸 （嘮叨不停） ，煞落擱請我一盤竹筍炒肉絲，雖然按呢，我嘛感覺落雨天真好耍。古早人講：早落早晴，暗雨著瞑，講甲比氣象報告擱卡準，無若久雨真正停矣，烏雲散去矣，空氣變甲足新鮮，土跤嘛洗甲清氣噹噹，日頭展出美麗的笑容探頭出來看人，天頂出現一條彩色的橋，花蕊穿著新衫，親像仙女下凡來迎接尾蝶仔姑娘轉來伊的身軀邊作伴，樹葉仔頂的雨水閃閃爍爍好親像珍珠同款輾來輾去，連四跤仔嘛干若合唱團呱呱 呱叫無停，一睏仔囝，四界變甲擱卡美麗古錐。落雨天就是迹趣味（這麼有趣） ，所以我佮意 （喜歡） 落雨天，因為伊帶來好聽的聲音，嘛

人人文库> 全部分类> 教育资料 > 课件下载

温馨提示

  • 1. 本站所有资源如无特殊说明，都需要本地电脑安装OFFICE2007和PDF阅读器。图纸软件为CAD,CAXA,PROE,UG,SolidWorks等.压缩文件请下载最新的WinRAR软件解压。
  • 2. 本站的文档不包含任何第三方提供的附件图纸等，如果需要附件，请联系上传者。文件的所有权益归上传用户所有。
  • 3. 本站RAR压缩包中若带图纸，网页内容里面会有图纸预览，若没有图纸预览就没有图纸。
  • 4. 未经权益所有人同意不得将文件中的内容挪作商业或盈利用途。
  • 5. 人人文库网仅提供信息存储空间，仅对用户上传内容的表现方式做保护处理，对用户上传分享的文档内容本身不做任何修改或编辑，并不能对任何下载内容负责。
  • 6. 下载文件中如有侵权或不适当内容，请与我们联系，我们立即纠正。
  • 7. 本站不保证下载资源的准确性、安全性和完整性, 同时也不承担用户因使用这些下载资源对自己和他人造成任何形式的伤害或损失。

最新文档

评论

0/150

提交评论