我的优秀教案-诺贝尔

སློབ་ཚན་བཅུ་པ།ནོ་པེལ།དང་པོ།སློབ་ཁྲིད་དམིགས་ཡུལ།༡ཤེས་བྱ་དང་ནུས་རྩལ།སློབ་ཚན་ནང་གི་མིང་དང་ཚིག་གི་དག་དོན་ཤེས་པའི་རྨང་གཞིའི་ཐོག་ནོ་པེལ་ཞེས་པའི་ཚན་རིག་པ་དེ་མི་ཅི་འདྲ་ཞིག་ཡིན་པ་དང་།ནོ་པེལ་བྱ་དགའ་ཞེས་པ་ཇི་ལྟར་བྱུང་བ།ནོ་པེལ་བྱ་དགའ་སྤྲོད་པའི་དུས་ཚོད་དང་།ནོ་པེལ་བྱ་དགའ་ལ་རིགས་ག་ཙམ་ཡོད་པ་ཤེས་དགོས།༢ཐབས་ཤེས་དང་བརྒྱུད་རིམ།ཐོག་མར་སློབ་མས་སློབ་ཚན་འབྱོངས་པོའི་ངང་ནས་གྱེར་ཀློག་ཐུབ་པ་བྱས་ནས།རིམ་གྱིས་ནོ་པེལ་གྱིས་ཚེ་གང་ཚན་རིག་གསར་གཏོད་ལ་སྐྱེས་སུ་འབུལ་མཛད་པ་རགས་རིམ་ཤེས་སུ་འཇུག་རྒྱུ་དང་།དེ་རྗེས་ནོ་པེལ་བྱ་དགའི་བྱུང་བ་དང་།བྱ་དགའ་སྤྲོད་པའི་དུས་ཚོད།བྱ་དགའི་དབྱེ་བ་བཅས་ལ་ཤེས་རྟོགས་ཡོང་དུ་འཇུག་རྒྱུ།༣ཚོར་འདུ་དང་རིན་ཐང་ལྟ་བ།སློབ་ཚན་བསླབས་ནས་འཛམ་གླིང་སྐྱེ་འགྲོ་ཀུན་གྱིས་གོང་དུ་བཀུར་བའི་ནོ་པེལ་གྱི་བླ་མེད་མཛད་རྗེས་དང་སྙིང་སྟོབས་ལ་སློབ་སྦྱོང་དང་རྗེས་སུ་ཡི་རང་ཞུ་བ་དང་།འཛམ་གླིང་སྐྱེ་བོ་ཀུན་གྱིས་ནོ་པེལ་གྱི་གཟི་བརྗིད་བརྩོན་ལེན་བྱེད་པ་ཤེས་པ་བྱས་ནས།རང་ཉིད་ཀྱིས་ནུས་ཤུགས་ཡོད་རྒུས་ནོ་པེལ་གྱི་གཟི་བརྗིད་ཆེད་དུ་འབད་དེ་ཕ་ཡུལ་ལ་ལེགས་སྐྱེས་འབུལ་རྒྱུའི་སྙིང་སྟོབས་ཡོད་དགོས།གཉིས་པ།སློབ་ཁྲིད་ཀྱི་དཀའ་གནད།སློབ་ཚན་གྱི་ཚིག་གསར་ལ་གོ་བ་ལེན་རྒྱུ་དང་།ནོ་པེལ་བྱ་དགའི་བྱུང་བར་ཤེས་རྟོགས་བྱ་རྒྱུ།གསུམ་པ།སློབ་ཁྲིད་ཀྱི་གཙོ་གནད།ནོ་པེལ་བྱ་དགའ་སྤྲོད་དུས་དང་བྱ་དགའི་རིགས་དབྱེ།བཞི་པ།སློབ་ཁྲིད་གོང་གི་གྲ་སྒྲིགདྲ་བ་སོགས་ལ་བརྟེན་ནས་ཉེ་བའི་ལོ་འགའི་ནང་ནོ་པེལ་གྱི་བྱ་དགའ་སུ་སུར་སྤྲད་མིན་རྒྱུས་མངའ་རགས་ཙམ་བྱ་རྒྱུ།ལྔ་པ།སློབ་ཁྲིད་ཀྱི་མྱུར་ཚད།ཚོགས་ཐུན་གཉིས།དྲུག་པ།སློབ་ཁྲིད་ཀྱི་བརྒྱུད་རིམ།ཚོགས་ཐུན་དང་པོ།༡བསྐྱར་སྦྱོང་།པཎ་ཆེན་རིན་པོ་ཆེ་གོ་འཇོ་རྩྭ་ཐང་དུ་ཕེབས་ནས་མང་ཚོགས་སྤྱི་དང་སློབ་མ་ཚོར་བཀའ་སློབ་གཙོ་བོ་གང་གནང་ངམ།༢གསར་འདྲེན།སློབ་མ་ཚོར་འཛམ་བུ་གླིང་ལ་གྲགས་ཆེ་བའི་ནོ་པེལ་བྱ་དགའི་སྐོར་ལ་རྒྱུས་མངའ་ཡོད་མིན་སྐོར་དྲི་རྒྱུ་དང་ཉེ་བའི་ལོ་ཤས་ནང་ནོ་པེལ་བྱ་དགའ་སུ་སུར་ཐོབ་མིན་ངོ་སྤྲོད་རགས་པ་བྱ་རྒྱུ།༣གསར་ཁྲིད།（༡）སློབ་མ་མཉམ་དུ་སློབ་ཚན་གྱེར་ཀློག་ཐེངས་ཤིག་བྱེད་དུ་འཇུག་པ་དང་།དེ་རྗེས་དགེ་རྒན་ནས་ཀློག་མ་དག་པ་སོགས་ལ་ནན་བཤད་བྱ་རྒྱུ།（༢）སློབ་ཚན་ཀློག་འདོན་དང་འབྲེལ་ནས་གོ་དཀའི་མིང་ཚིག་འགའ་ལ་འགྲེལ་པ་བྱེད་རྒྱུ་དང་།དེ་དག་ལས་གནད་ཆེ་འགའ་ནག་པང་དུ་འབྲི་རྒྱུ།སྐུ་བལྟམས།—སྐྱེས་པའི་ཞེ་ས།སྐུ་གཤེགས།—ཤི་བའི་ཞེ་ས།བྱ་དགའ།—གཟེངས་བསྟོད་དུ་གནང་བའི་དངོས་རྫས་ཀྱི་མིང་།རྫས་འགྱུར་རིག་པ།—དངོས་པོ་གྲུབ་བྱེད་ཀྱི་རྫས་དང་དངོས་པོ་འགྱུར་ལྡོག་འགྲོ་བའི་ཆོས་ཉིད་ལ་བརྟག་དཔྱད་བྱེད་པའི་རིག་པའི་མིང་།བཤགས།—དུམ་བུ་གཉིས་སམ་དུ་མར་ཕྱེ་བའི་དོན།གཤེར་གཟུགས།—ཆུ་དང་ཆུའི་རྣམ་པ་ཅན་གྱི་དངོས་རྫས་ཀྱི་མིང་།མེ་ཚག—མེ་སྟག་སྟེ།མེ་འབར་བའི་དུས་འཐོར་བའི་མེའི་ཟེགས་མ།（མེ་འབར་བྱེད་ཀྱི་རྒྱུ་ཆུང་ངུ་ལ་ཡང་ཟེར།སྦི་སྡི།—འབར་རྫས་སོགས་ལ་མེ་སྤར་བྱེད་ཀྱི་སྐུད་པའི་མིང་།ལེ་ཀོན།—རྒྱ་ཡིག་གི་སྒྲ་ཟུར་ཆགས་པ་སྟེ་འབར་རྫས་སོགས་སྤོར་བྱེད་ཀྱི་རྫས་ལྕགས་རིགས་ཀྱི་སྦུ་གུའི་ནང་བླུགས་པ་ཞིགཞལ་ཆེམས།—སྐུ་གཤེགས་ཁར་མངགས་བཅོལ་བྱས་པའི་སྐད་ཆ།སྐྱེད་ཁ།—མ་རྩར་འཁྲི་བའི་འཕེལ་ཆའམ་འཕར་མ།ཅི་མ་རུང་དགོངས།—དེ་ལྟར་བྱུང་ན་དགའ་བ་ཨང་བསམ།གཟོང་།—ཤིང་སོགས་ལ་ཨི་ཁུང་འབིགས་བྱེད་ཀྱི་ཡོ་བྱད།དྲུས།—ས་དོང་སོགས་བྲུས་པའམ་རྐོ་བའི་དོན།ས་དོང་།—ཁ་ཆུང་བའི་ས་ཀོང་ཀོང་།སྡིག་སྡིག་ཏུ་གཡུག—སྙིང་ཁ་སྡིག་སྒྲ་དང་བཅས་འགུལ་བའམ་འཕག་པའི་དོན།སྡིར་ནས་གཟིགས།—གནས་ཤིག་ཏུ་ཅེར་ནས་གཟིགས་པའི་དོན།བྱས་པ་ཅན།—བྱས་རྗེས་ཡོད་མཁན།སྲ་གཟུགས།—ས་རྡོ་སོགས་སྲ་མཁྲེགས་ཀྱི་རང་བཞིན་ཅན་གྱི་དངོས་པོ།（༣）སློབ་མར་སློབ་ཚན་ལ་དུམ་བུ་ཅི་ཡོད་དྲིས་ནས་ནང་དོན་ཁག་དབྱེ་བྱ་རྒྱུ་དང་།ནང་དོན་ཁག་གི་བརྗོད་དོན་རགས་བཤད་བྱ་རྒྱུུ།སློབ་ཚན་ཧྲིལ་པོ་རང་གྲུབ་དུམ་མཚམས་དཐགུ་ལས་གྲུབ་པ་དང་ནང་དོན་ཁག་གསུམ་དུ་དབྱེ་ནས་གོ་བ་ལོན་རྒྱུ།ནང་དོན་ཁག་དང་པོ།རང་གྲུབ་དུམ་བུ་དང་པོ་དང་གཉིས་པ།ནོ་པེལ་བྱ་དགའི་མཛད་སྒོ་སྤེལ་བའི་དུས་ཚོད་མཛད་སྒོ་སྤེལ་ཡུལ།མཛད་སྒོའི་གཞི་ཁྱོན་བཅས་པ་ངོ་སྤྲོད་བྱས་ཡོད།ནང་དོན་ཁག་གཉིས་པ།རང་གྲུབ་དུམ་མཚམས་གསུམ་པ་ནས་བརྒྱད་པའི་བར།ནོ་པེལ་གྱིས་དཀའ་སྡུག་དང་།སྐྱོ་གདུང་།ཕམ་ཉེས་བཅས་ཁྱད་སད་བྱས་ཏེ།འབར་རྫས་གསར་གཏོད་བྱས་པའི་བརྒྱུད་རིམ་བརྗོད་ཡོད།ནང་དོན་ཁག་གསུམ་པ།རང་གྲུབ་དུམ་མཚམས་དགུ་པ།ནོ་པེལ་གྱི་ཚེ་གང་འབར་རྫས་གསར་གཏོད་ཀྱི་བྱ་གཞག་ལ་འཕུལ་བ་མ་ཟད།ཁོང་གི་ཞལ་ཆེམས་བཞིན་རིགས་མི་གཅིག་པ་ལྔའི་བྱ་དགའ་བྱུང་བའི་སྐོར་སོགས་བྲིས་ཡོད།༤སྦྱོང་གཞི།（༡）སློབ་ཚན་ཐེངས་མ་གསུམ་ཀློག་འདོན་བྱས་ཏེ།སློབ་ཚན་གྱི་ནང་དོན་གོ་བ་ལོན་གང་ཐུབ་བྱེད་དགོས།（༢）བསླབ་གཞིའི་སྦྱང་གཞི་གཉིས་པའི་དྲི་བ་ཆུང་བ་དང་པོ་དང་གསུམ་པར་ལན་འདེབས་དགོས།（༣）སློབ་ཚན་གྱི་ཚིག་གསར་གྱི་དག་དོན་བློ་ལ་ངེས་དགོས་པ་དང་།ཁྱིམ་སྦྱོང་གི་མཇུག་ཏུ་དཔོད་བྲིས་གཏོང་དགོས།ཚོགས་ཐུན་གཉིས་པ།༡བསྐྱར་སྦྱོང་།（༡）སྦར་རྫས།གཤེར་གཟུགས།དངངས་འཚབ།སྦི་སྡི།སྲ་གཟུགས།བཅས་ཀྱི་དག་དོན་ཤེས་མིན་བརྟག་རྒྱུ།（༢）ནོ་པེལ་རྒུྱལ་ཁབ་གང་གི་མི་ཡིན།ག་དུས་འཁྲུངས་སམ།ག་དུས་སྐུ་གཤེགས་སམ།༢གསར་ཁྲིད།（༡）སློབ་མར་སྐད་གསང་མཐོན་པོའི་སྒོ་ནས་སློབ་ཚན་གྱེར་ཀློག་ཐེངས་ཤིག་བྱེད་དུ་འཇུག་རྒྱུ།（༢）དྲི་བ་ལེན་པའི་ཐབས་ལ་བརྟེན་ནས་སློབ་ཚན་གསལ་འགྲེལ་བྱེད་རྒྱུ།ཀནོ་པེལ་བྱ་དགའ་སྤྲོད་པའི་དུས་ཚོད་ག་དུས་གང་དུ་ཡིན་ནམ།ལན།ལོ་རེའི་ཟླ་༡༢པའི་ཚེས་༡༠ཉིན་གྱི་ཕྱི་དྲོའི་ཆུ་ཚོད་༤དང་སྐར་མ་༣༠ཐོག་སུའེ་ཏེན་གྱི་རྒྱལ་ས་སི་ཐོག་ཁོམ་དུ་ཡིན།ཁ།མཛད་སྒོ་དེ་འཛམ་གླིང་གི་མཁས་དབང་སྐྱེས་ཆེན་དམ་པ་འདུས་པའི་རྒྱས་ཚོགས་ཤིག་ཡིན་ཟེར་དོན་གང་ཡིན་ནམ།ལན།བྱ་དགའ་དེ་ནི་མིའི་རིགས་ཀྱི་ཆེད་དུ་ལེགས་སྐྱེས་འབུལ་མཁན་གྱི་སྐྱེས་ཆེན་རྣམས་ལས་སྐྱེ་བོ་སྤྱིར་བཏང་བ་ལ་སྤྲོད་ཀྱི་ཡོད་པས་ཡིན།གམཛད་སྒོ་སི་ཐོག་ཁོམ་དུ་དུས་ཚོད་དེར་སྤེལ་དོན་གང་ཡིན་ནམ།ལན།ས་ཆ་དེར་ནོ་པེལ་སྐུ་འཁྲུངས་པ་དང་།དུས་ཚོད་དེར་ནོ་པེལ་སྐུ་གཤེགས་པས་རེད།ང་།ནོ་པེལ་གྱི་མི་ཚེ་གང་པོར་གསར་གཏོད་མང་པོ་ཡོད་པ་ལས་གང་ཞིག་གཟེངས་སུ་ཐོན་པ་ཡིན་ནམ།དེ་ལྟར་ཟེར་དོན་གང་ཡིན་ནམ།ལན།འབར་རྫས་གསར་གཏོད་བྱས་པ་དེ་ཡིན་ཞིང་།འབར་རྫས་གསར་གཏོད་བྱེད་པ་ནོ་པེལ་སྐུ་ན་ཆུང་ངུའི་དུས་ནས་བྱུང་བའི་བསམ་ཚུལ་ཡིན་ཞིང་།ཚོད་ལྟ་རབ་དང་རིམ་པ་བརྒྱུད་གཤེར་གཟུགས་ཀྱི་འབར་རྫས་ནས་རིམ་གྱིས་སྲ་གཟུགས་འབར་རྫས་གསར་གཏོད་གནང་ཡོད་པ་སོགས་ཀྱི་ཡིན།ཅ།ནོ་པེལ་གྱི་ཚོད་ལྟའི་བྱ་བའི་ཁྲོད་རྐྱེན་ངན་གང་དག་འཕྲད་ཡོད།ལན།ཁོང་གི་གཅུང་པོའི་ཚེ་སྲོག་ཤོར་བ་དང་།ཡབ་ཀྱི་ལུས་ལ་རྨས་སྐྱོན་ཚབས་ཆེན་ཕོག་ཡོད་པ་སོགས།ལོ་བཞིའི་ནང་ཕམ་ཉེས་ཐེངས་བརྒྱ་ཕྲག་བྱུང་ཡོད།ཆ།ནོ་པེལ་གྱིས་སྲ་གཟུགས་འབར་རྫས་གསར་གཏོད་ཐུབ་པའི་རྗེས་སུ་གང་གསར་གཏོད་གནང་ངམ།ལན།འབར་རྫས་གས་བྱེད་ཀྱི་ལེ་ཀོན་གསར་གཏོད་གནང་།ཇ།ནོ་པེལ་འབར་རྫས་གསར་གཏོད་ལེགས་གྲུབ་བྱུང་བ་དེས་ཕན་ཐོགས་གང་བྱུང་ཡོད།ལན།རི་ཁོག་བརྟོལ་ནས་ཕུག་ལམ་གཏོད་པ་དང་།ས་དོང་དྲུས་ནས་གཏེར་ཁ་འདོན་པ་སོགས་ཀྱི་ལས་ཀ་རྣམས་གཟོང་དང་ཐོ་བར་བརྟེན་མི་དགོས་པ་སོགས་བྱུང་།ཉ།ནོ་པེལ་གྱིས་སྲ་གཟུགས་འབར་རྫས་ལེགས་གྲུབ་བྱུང་ནས་ཚོད་ལྟ་མཚམས་འཇོག་གནང་ངམ།ལན།མཚམས་འཇོག་མ་གནང་བར་རྒྱུན་ཆད་མེད་པར་ཚོད་ལྟ་གནང་གི་ཡོད།ཏ།འཛམ་གླིང་གི་ནོ་པེལ་བྱ་དགའ་ཞེས་པ་ཇི་ལྟར་བྱུང་འདུགལན།དེ་ནི་ནོ་པེལ་གྱི་ཞལ་ཆེམས་ལྟར།ཁོང་གི་གསར་གཏོད་རྣམ་གྲངས་༡༠༠ལྷག་གི་བྱ་དགའི་དངུལ་དང་།རང་བདག་ཁེ་དབང་གི་གྲོན་དངུལ་ས་ཡ་༢ཚང་མ་དངུལ་ཁང་དུ་བཅོལ་བའི་སྐྱེད་ཁ་དེ་རྣམ་གྲངས་རིགས་ལྔའི་བྱ་དགའི་གྲོན་དངུལ་བྱས་པ་ལས་བྱུང་།ཐ།ནོ་པེལ་གྱི་བྱ་དགའ་ཆེན་པོ་ལྔ་པོ་གང་དག་ཡིན་ནམ།ལན།དངོས་ལུགས་རིག་པ།རྫས་འགྱུར་རིག་པ།ལུས་ཁམས་རིག་པའམ་གསོ་བ་རིག་པ།རྩོམ་རིགཞི་བདེ་བཅས།ད།ང་ཚོར་ནམ་ཞིག་ནོ་པེལ་བྱ་དགའ་ལོན་ཐུབ་ངེས་སྙམ་པའི་སེམས་ཤུགས་ཡོད་ཆོག