《我欲仁斯仁至矣》教学设计(西藏县级优课)

དཀར་ཆག

དང་པོ།སློབ་ཁྲིད་དམིགས་ཡུལ།

2

གཅིགཤེས་བྱ་དང་ནུས་རྩལ་ཐད།

2

གཉིས།བརྒྱུད་རིམ་དང་ཐབས་ཤེས།

2

གསུམ།ཚོར་འདུའི་རྣམ་འགྱུར་དང་རིན་ཐང་ལྟ་བ།

2

གཉིས་པ།སློབ་ཁྲིད་ཀྱི་གཙོ་དཀའ།

3

གསུམ་པ།སློབ་ཁྲིད་ཐབས་ལམ།

3

བཞི་པ།སློབ་ཁྲིད་བརྒྱུད་རིམ།

3

གཅིགབསྐྱར་སྦྱོང་།

3

གཉིས།གསར་འདྲེན།

3

གསུམ།གསར་ཁྲིད།

4

བཞི།བསྐྱར་དྲན།

6

ལྔ།སྦྱང་གཞི་བཀོད་སྒྲིག

6

ལྔ་པ།སློབ་ཁྲིད་རྗེས་ཀྱི་བསམ་གཞིགས།

6

བོད་ཀྱི་ཡུལ་མིང་དང་བཅས་པའི་ཐ་སྙད་འགའི་དཔྱད་པ།

མཁས་དབང་དགེ་འདུན་ཆོས་འཕེལ།

དང་པོ།སློབ་ཁྲིད་དམིགས་ཡུལ།

གཅིགཤེས་བྱ་དང་ནུས་རྩལ་ཐད།

༡བོད་ཀྱི་མིང་གི་འབོད་ཚུལ་མི་འདྲ་བ་དང་དེ་ལྟར་འབོད་པའི་རྒྱུ་མཚན་ཤེས་དགོས།

༢སློབ་ཚན་ཁྲོད་ཐ་སྙད་དག་ལ་དཔྱད་པ་མཛད་སྐབས་སྒྲུབ་བྱེད་ཇི་ལྟར་བཀོད་པར་ཤེས་རྟོགས་བྱེད་དགོས།

གཉིས།བརྒྱུད་རིམ་དང་ཐབས་ཤེས།

སློབ་མས་འབོད་མིང་དག་ལ་ཤེས་རྟོགས་དང་།དེ་རྗེས་འབོད་མིང་དག་ཇི་ལྟར་བྱུང་བའི་བརྒྱུད་རིམ་མམ་རྒྱུ་མཚན་ཤེས་དགོས།གཞན་རང་སོ་སོའི་ཡུལ་མིང་སོགས་ཀྱི་ཐོགས་ལུགས་ལ་དཔྱད་འཚོལ་བྱེད་དུ་འཇུག་དགོས།

གསུམ།ཚོར་འདུའི་རྣམ་འགྱུར་དང་རིན་ཐང་ལྟ་བ།

བོད་རང་གི་ཐ་སྙད་མི་ཉུང་བ་ཞིག་སྤྱི་ཚོགས་ཀྱི་འཕེལ་འགྲོས་དང་བསྟུན་ནས་བརླག་འགྲོ་བཞིན་ཡོད་པས།ཐ་སྙད་ཉམས་པ་རྣམས་སླར་གསོ་དང་མ་ཉམས་པ་རྣམས་གོང་འཕེལ་གཏོང་དགོས་པའི་ལྟ་བ་གསོ་སྐྱོང་བྱ་རྒྱུ།

གཉིས་པ།སློབ་ཁྲིད་ཀྱི་གཙོ་དཀའ།

གཙོ་གནད།སློབ་ཚན་དུ་བཀོད་པའི་བོད་ཀྱི་མིང་གི་འབོད་ཚུལ་མི་འདྲ་བའི་ཐ་སྙད་དག་གི་བྱུང་ཚུལ་དང་གོ་དོན་རྟོགས་དགོས།

དཀའ་གནད།བོད་ཀྱི་མིང་གི་འབོད་ཚུལ་མི་འདྲ་བ་དག་གི་གོ་དོན་རྟོགས་པ་དང་།དེ་འདྲའི་ཐ་སྙད་སྒྲུབ་པའི་སྒྲུབ་ཐབས་དང་དེ་ལྡན་གྱི་ལོ་རྒྱུས་ལ་ཤེས་རྟོགས་བྱེད་པ།

གསུམ་པ།སློབ་ཁྲིད་ཐབས་ལམ།

སྲོལ་རྒྱུན་ཁྲིད་ཐབས་དང་བསླབ་གཞི་གསར་པའི་དགོངས་དོན་བསྐྱངས་ནས་སློབ་མ་གཙོ་བོར་འཛིན་ཏེ་གྲོས་བསྡུར་སོགས་ཀྱི་ཐབས་ལམ་སྤྱོད་རྒྱུ།

བཞི་པ།སློབ་ཁྲིད་བརྒྱུད་རིམ།

གཅིགབསྐྱར་སྦྱོང་།

ཁྲིད་ཟིན་པའི་གངས་སེང་ཡོད་མེད་ཀྱི་དཔྱད་པ་ཞེས་པའི་སློབ་ཚན་གྱི་ནང་དོན་གཞིར་བཟུང་ནས་གངས་སེང་ཡོད་མེད་སྐད་ཆ་འདྲི་བ་སོགས་བརྒྱུད་ནས་སློབ་མས་སློབ་ཚན་གྱི་བརྗོད་དོན་ཧྲིལ་པོར་གོ་བ་ལོན་ཚད་དཔག་པ།

གཉིས།གསར་འདྲེན།

རི་མོའི་ལམ་ནས་མི་སྣ་སྣ་ཚོགས་ཀྱི་གཟུགས་བརྙན་གསར་བཞེངས་བྱས་ཏེ་ཁོ་ཚོ་ངོ་ཤེས་མིན་ལས་སློབ་ཚན་གསར་པ་འདྲེན་པ་སྟེ།

དགེ་རྒན།ཁོ་ཚོ་ངོ་ཤེས་སམ།

སློབ་མ།འབྲོག་པ།ཞིང་པ།བུ་མོ་སོགས།

དགེ་རྒན།རྗེས་སུ་ཁོ་ཚོ་ཕྲད་ཚེ་ངོ་ཤེས་པ་འདུག་གམ།

སློབ་མས་ལན་སྣ་ཚོགས་འདེབས།

དགེ་རྒན།ངས་ངོ་སྤྲོད་བྱས་ཆོགཁོ་ཚོ་བཀྲིས་དང་དོན་གྲུབ།རྣམ་རྒྱལ་་་་་་་

དགེ་རྒན།ཁོ་ཚོརམིང་མེད་ན་འགྲིག་ཐབས་འདུག་གམ།

སློབ་མ།མི་འདུག

དགེ་རྒན།རེད།མིང་མེད་ན་འགྲིག་ཐབས་ཡོད་མ་རེད།དེ་ལྟར་ན་འཁྲུལ་སྲིད།

དེས་ནས་ལང་ཀར་གཤེགས་པའི་མདོ་ལས་གསུངས་པ་བཞིན་རེད།

མིང་དུ་གདགས་པར་མ་མཛད་ན།འཇིག་རྟེན་ཐམས་ཅད་རྨོངས་པར་འགྱུར།ཞེས་སོགས།

དེས་ན་བོད་ཞེས་པ་ང་ཚོའི་ཕ་ཡུལ་འདི་ལ་ཡང་མིང་མི་འདྲ་མང་པོ་ཡོད་པས་དེ་རིང་གི་འཁྲིད་བྱ་ནི་གང་དེའི་སྐོར་ཡིན།

གསུམ།གསར་ཁྲིད།

དེ་ལ་རྩོམ་པ་པོ་ངོ་སྤྲོད་དང་གཞུང་དོན་ངོ་སྤྲོད་ཞེས་དོན་རྣམ་པ་གཉིས།

༡གོ་རིམ་འབྲེལ་ཆགས་པའི་དབང་དུ་བྱས་ནས་རྩོམ་པ་པོ་ངོ་སྤྲོད།

སློབ་དུས་གོང་མའི་ནང་།རི་བོ་གངས་ཅན་གྱི་མཛེས་ལྗོངས་ཞེས་པ་དང་།ཉིན་ཤས་གོང་ཁྲིད་པའི་གངས་སེང་ཡོད་མེད་ཀྱི་དཔྱད་པ་ཞེས་པའི་སློབ་ཚན་དག་ཁྲིད་སྐབས་བཤད་ཟིན་པས་སླར་རྒྱས་སྤྲོས་ཀྱི་དགོས་པ་མ་མཆིས།

མཁས་དབང་དགེ་འདུན་ཆོས་འཕེལ།1903ལོར་ཡབ་རྡོ་རྗེ་རྒྱལ་མཚན་དང་ཡུམ་པདྨ་སྐྱིད་གཉིས་ཀྱི་སྲས་སུ་མཚོ་སྔོན་ཞིང་ཆེན་རྨ་ལྷོ་ཁུལ་རེབ་གོང་ཞོ་འོང་དཔྱི་བྱ་བར་སྐུ་འཁྲུངས།ཆུང་དུས་ནས་རིག་པའི་གནས་ཐ་དག་ལ་མཁས་པར་སྦྱངས།གསུང་རྩོམ་ལ།རྒྱལ་ཁམས་རིག་པས་བསྐོར་བའི་གཏམ་རྒྱུད་གསེར་གྱི་ཐང་མ།དེབ་ཐེར་བཀར་པོ།སིང་ག་ལའི་རྟོགས་བརྗོད་དམ་སིང་ག་ལའི་ལམ་ཡིག་སོགས་མང་།ཀླུ་སྒྲུབ་དགོངས་རྒྱན་ཞེས་པ་དེ་ཁོང་གི་ཡིན་མིན་ལ་རྩོད་གཞིར་གསུངས་སོ།

༢བརྗོད་དོན་རྟོགས་སླ་བའི་དབང་དུ་བྱས་ནས་སློབ་ཚན་དབྱེ་ཞིབ།

བོད་ཅེས་པའི་མིང་འདིའི་འབོད་ཚུལ་མི་འདྲ་བར་དཔྱད་པ་བཏང་ཡོད།

ས་ཁྲར་བརྟེན་ནས་དབྱེ་ཞིབ་བྱ་རྒྱུ།

1རྒྱ་གར་བ་རྣམས་ཀྱིས་རང་རེ་བོད་ལ་བྷོ་ཊ་ཞེས་འབོད།ཀློག་ལས་བོད་ཅེས་པ་རྗེས་འཇུག་ད་ཡིག་གི་སྒྲ་གསལ་བར་ཐོན་པའི་དབང་གིས་བོད་ལས་བྷོད་དང་།དེ་ལས་བྷོ་ཊ་ཞེས་བྱ་བ་བྱུང་།

2རི་མོའི་ལམ་ནས་ཧི་མ་ལ་ཡ་སོགས་བསྟན་ནས་ཁ་བའི་ལྗོངས་དང་གངས་ཅན་ཟེར་བ་གང་དེའི་དོན་བསྒྱུར་ཡིན་པ།རིའི་མིང་ཡུལ་ལ་ཐོགས་པ།

3ཏི་བྷད་ཅེས་འབོད་པ་ལ་ལྟ་བ་ཁག་གཉིས།སྔ་མ་ནི་རྒྱ་ནག་གིས་ཏུའུ་ཕན་དུ་འབོད་པ་དང་སོག་པོས་ཐུ་བྷད་དུ་འབོད་པ་དག་སྒྲ་འགྱུར་ནས་བྱུང་བ།ཕྱི་མ་ནི་ཁ་ཆེས་བོད་ཀྱི་ལ་དྭགས་ཁུལ་ལ་སྟོད་བོད་དང་སྟོད་པ་ཞེས་འབོད་པའི་སྒྱུ་འགྱུར་བ་གཉིས་ལས་སློབ་མར་བསམ་གཞིགས་ཀྱི་དཔྱད་གཞི་བསྐྲུན་པ།

4གཉའ་ཁྲི་བཙན་པོ་སོགས་ཀྱི་སྐབས་སྤུར་རྒྱལ་དུ་འབོད།དེ་ནི་རྗེའི་ཡུལ་དང་འབྲེལ་ནས་རྒྱལ་པོའི་མཚན་ཡུལ་ལ་ཐོགས་པ།དེ་ལ་དཔེ་དྲངས་ནས་བསྒྲུབ་པ་སྟེ།རྒྱལ་པོ་བྷ་ར་ཏས་བཟུང་བའི་ཡུལ་ཀུན་ལ་བྷ་ར་ཏ་ཞེས་འབོད་པ་འདྲ་བ།

5ཐོག་མར་བོན་གྱི་ཡུལ་དང་ཕྱིས་བོད་ཡུལ་ཞེས་སྒྲ་ཟུར་ཆག་པ།དེ་ཡང་གནམ་རི་སྲོང་བཙན་ཡན་ལ་བོན་ཆོས་ཡིན་པས་ཡ་མཚན་རྒྱུ་མེད་པ།གཞན་ཡང་གནས་དུས་སུ་རྗེས་འཇུག་ན་ད་གཉིས་རྗེས་པ་མང་བས་བོན་དང་བོད་བརྗེ་སྲིད་པར་ཡང་མསམས་དགོས་པ།

རྩོམ་པ་པོས་ཐ་སྙད་ཇི་ལྟར་བྱུང་ཚུལ་ལ་ཁ་མཚོན་མ་བཅད་ཀྱང་མི་རིགས་གཞན་གྱིས་བཏགས་པ་མ་ཡིན་པར་བོད་རང་གི་སྐད་ཡིན་པར་གསལ་པོར་བསྟན་པ་དང་།དོན་ཅི་ཡང་བཤད་རྒྱུ་མེད་པའི་འདོད་རྒྱལ་དུ་བཞག་གནང་འདུག

བཞི།བསྐྱར་དྲན།

དྲི་བའི་རྣམ་པའི་ཐོག་ནས་བསྐྱར་དྲན་བྱེད་པ།

བོད་ཅེས་པར་མིང་གི་འབོད་ཚུལ་མི་འདྲ་བ་ལྔ་གསུངས་དང་དེ་དག་གི་བྱུང་ཚུལ་ཇི་ཡིན་བཤད་པ་སྟེ།

1བོད་ཀྱི་ཀློག་དག་པས་བྷོ་ཊ།

2རི་མིང་ཡུལ་ལ་ཆགས་པས་གངས་ཅན།

3ཏུའུ་ཕན་དང་སྟོད་བོད་ཁག་གཉིས་ཀྱི་ཏི་བྷད།

4རྗེ་མིང་ཡུལ་ལ་ཐོགས་པས་སྤུར་རྒྱལ།

5བོན་ཆོས་དང་རྗེས་འཇུག་ན་ད་བརྗེས་པའི་བོད།

ལྔ།སྦྱང་གཞི་བཀོད་སྒྲིག

༡ཁྲིད་ཟིན་པའི་རང་བྱུང་དུམ་བུའི་ནང་རིགས་འགྲེའི་སྒྲུབ་ཐབས་དང་དཔེ་དྲངས་ནས་རིགས་སྒྲུབ་བྱེད་པའི་ཐབས་གཉིས་སྤྱད་ཡོད་པ་སོ་སོ