长方体的认识教案、说课、反思

“གྲུ་བཞི་ནར་གཟུགས་ངོས་འཛིན་པ”ཞེས་པའི་སློབ་ཁྲིད་ཇུས་འགོད།

སློབ་ཁྲིད་ཀྱི་ནང་དོན།གྲུ་བཞི་ནར་གཟུགས་ངོས་འཛིན་པ།ཤོག་ངོས27ནས29བར།

སློབ་ཁྲིད་ཀྱི་དམིགས་ཚད།

གཅིགཤེས་བྱའི་དམིགས་ཚད།1.གྲུ་བཞི་ནར་གཟུགས་ཀྱི་ཁྱད་ཆོས་རྟོགས་པ།（གཙོ་གནད）

2.གྲུ་བཞི་ནར་གཟུགས་ཀྱི་སྲིད་དང་ཞེང་།མཐོ་བཅས་ངོས་འཛིན་པ།（དཀའ་གནད）

གཉིས།ནུས་རྩལ་དམིགས་ཚད།སློབ་མའི་ལྟ་ཞིབ་དང་།ལག་པ་འགུལ་བ།དཔྱད་བསྡུར།ཕྱོགས་བསྡུས་བཅས་ཀྱི་ནུས་པ་བསྐྱེད་བསྲིང་བྱེད་པ།

གསུམ།བརྩེ་སེམས་དམིགས་ཚད།

ཁོ་ཚོའི་སློབ་སྦྱོང་གི་སྤྲོ་སྣང་དང་།ཕན་ཚུན་འགྲིག་མཐུན་མཉམ་འབྲེལ་བྱེད་པའི་གོམས་གཤིས་བསྐྱེད་བསྲིང་བྱེད་པ།

ཁྲིད་ཐབས་དང་སློབ་ཐབས།

ལྟ་ཞིབ་ཐབས་དང་།དཔྱད་བསྡུར་ཐབས།ཕྱོགས་བསྡུས་ཐབས།

ཡོ་ཆས།སྨྱན་མང་གཟུགས།གྲུ་བཞི་ནར་གཟུགས་ཀྱི་སྒྲོམ་གཞི།ཤོག་སྒམ་སོགས།

སློབ་ཁྲིད་ཀྱི་བརྒྱུད་རིམ།

གཅིགསྔོན་འགྲོའི་ཚད་འཇལ།

དྲི་བ།ཕྱིར་དྲན་བྱོས་དང་།ང་ཚོས་སྔོན་ཆད་སྦྱངས་ཟིན་པའི་རིས་དབྱིབས་གང་དག་ཡོད།（སློབ་མས་དྲིས་ལན་བཏབ་པ་དང་བསྟུན་ནས་སློབ་ཁྲིད་མཉེན་ཆས་ལས་གཤམ་གྱི་རིས་དབྱིབས་སྟོན་པ）

དྲི་བ།འདི་དག་ཚང་མ་ཅི་ཞིག་གིས་གྲུབ་པའི་རིས་དབྱིབས་ཡིན།（ཐིག་དུམ་གྱིས་བསྐོར་ནས་གྲུབ་པའི་ངོས་སྙོམས་རིས་དབྱིབས་ཡིན）

དྲི་བ།འདི་དག་ཀྱང་ངོས་སྙོམས་ཡིན་ནམ།（མཉེན་ཆས་སྟོན་པ）

གསལ་བཤད།དངོས་གཟུགས་འདི་དག་གིས་བར་སྟོང་ངེས་ཅན་ཞིག་བཟུང་ཡོད་པས་ཚང་མ་ལངས་གཟུགས་རིས་དབྱིབས་ཡིན།དེའི་ནང་ཁ་ཤས་ཤིག་གྲུ་བཞི་ནར་གཟུགས་དང་གྲུ་བཞི་ཁ་གང་གཟུགས་ཡིན།ཁྱོད་ཚོས་དེ་དག་སྟོན་ཐུབ་བམ།

དྲི་བ།ཁྱོད་ཚོས་གྲུ་བཞི་ནར་གཟུགས་ཡིན་པའི་དངོས་པོ་གང་དག་མཐོང་མྱོང་།（ལན་བཏབ་རྗེས་བསླབ་དེབ་ཀྱི་ཤོག་ངོས27སྟེང་གི་རི་མོ་སྟོན་པ）

གསལ་བཤད།ང་ཚོས་ཉེ་འཁོར་དུ་དངོས་པོ་མང་པོ་ཞིག་གི་གཟུགས་དབྱིབས་ནི་གྲུ་བཞི་ནར་གཟུགས་ཡིན་པའི་རྒྱུ་མཚན་ཅི།གྲུ་བཞི་ནར་གཟུགས་ལ་ཁྱད་ཆོས་ཅི་ཡོད།དེ་ནི་དེ་རིང་ང་ཚོས་སློབ་སྦྱོང་བྱ་དགོས་པའི་ནང་དོན་ཡིན།གཤམ་ནས་ང་ཚོས་མཉམ་དུ་སློབ་སྦྱོང་བྱ།

གཉིས།དམིགས་ཚད་ངོས་འཛིན།（སྨྱན་མང་གཟུགས་ཀྱིས་ཁྲིད་བྱང་དང་དམིགས་ཚད་སྟོན་པ）

གསུམ།ནང་དོན་གསར་བ་ཁྲིད་སྟོན།

1.གྲུ་བཞི་ནར་གཟུགས་ཀྱི་ངོས་དང་གྲུ།རྩེ་ཚེག་ངོས་འཛིན་པ།

（1）ངོས།གྲུ་བཞི་ནར་གཟུགས་ལ་ངོས་ག་ཚོད་ཡོད།（མཉེན་ཆས་ལས།གྲུ་བཞི་ནརགཟུགས་ཀྱི་ངོས་སོ་སོར་གཏོར་བ）

དྲི་བ།རང་ཉིད་ཀྱི་སློབ་ཆས་ལ་ལྟ་ཞིབ་བྱས་ནས་ལན་ཐོབས།གྲུ་བཞི་ནར་གཟུགས་ལ་ངོས་ག་ཚོད་དང་།སོ་སོར་གང་དང་གང་ཡིན།ངོས་སོ་སོའི་དབྱིབས་ཅི་ཞིག་ཡིན།

（སློབ་མས་ལན་བཏབ་པ་དང་བསྟུན་ནས་ཕྱོགས་བསྡུས་བྱེད་པ）

ཕྱོགས་བསྡུས།གྲུ་བཞི་ནར་གཟུགས་ལ་སྟེང་།འོགམདུན།རྒྱབ།གཡས།གཡོན་བཅས་ངོས6ཡོད།

ངོས6པོ་ཚང་མ་གྲུ་བཞི་ནར་དབྱིབས་ཡིན།དམིགས་བསལ་གྱི་གནས་ཚུལ་འོག་ཏུ་ཁ་གཏད་པའི་ངོས་ཆ་གཅིག་གྲུ་བཞི་ཁ་གང་དབྱིབས་ཡིན་པའང་ཡོད།

དྲི་བ།གྲུ་བཞི་ནར་གཟུགས་ཀྱི་མདུན་ངོས་དང་རྒྱབ་ངོས་གཉིས་ནི་ཇི་འདྲ་ཡིན།（ཕན་ཚུན་ཁ་གཏད་ཡིན）

དྲི་བ།གྲུ་བཞི་ནར་གཟུགས་ལ་ཁ་གཏད་ཀྱི་ངོས་ཚོ་ག་ཚོད་ཡོད།（ཚོ3ཡོད）ཕན་ཚུན་ཁ་གཏད་པའི་ངོས་གཉིས་ཀྱི་དབྱིབས་དང་ཆེ་ཆུང་ཇི་འདྲ་ཡིན།

（མཉེན་ཆས་ལས་ཁ་གཏད་ཀྱི་ངོས་འདྲ་མཚུངས་ཡིན་པ་བསྟན་རྗེས་སློབ་མ་ཚོར་རང་རང་གི་སློབ་ཆས་ཀྱི་སྟེང་འོགགཡས་གཡོན།མདུན་རྒྱབ་བཅས་ཁ་གཏད་ངོས་ཀྱི་སྲིད་དང་ཞེང་གི་རིང་ཚད་འཇལ་དུ་བཅུག་ནས་ཁ་གཏད་ངོས་ཀྱི་དབྱིབས་དང་ཆེ་ཆུང་ཡོངས་སུ་མཚུངས་པ་དེ་ར་སྤྲོད་བྱེད་པ）

ཕྱོགས་བསྡུས།ཁ་གཏད་ཀྱི་ངོས་ཡོངས་སུ་མཚུངས་པ་ཡིན།

（2）གྲུ།（མཉེན་ཆས་ལས་གྲུ་བཞི་ནར་གཟུགས་ཀྱི་གྲུ་བསྟན་རྗེས་དྲི་བ་འདོན་པ）

དྲི་བ།གྲུ་བཞི་ནར་གཟུགས་ལ་གྲུ་ག་ཚོད་ཡོད།གྲུ་དེ་དག་ཚོ་ག་ཚོད་ལ་བགོས་ཆོགགྲུ་གང་དག་གི་རིང་ཚད་མཚུངས་པ་ཡིན།（ཚོ་ཆུང་མཉམ་ལས་ཀྱིས་གྲུ་བཞི་ནར་གཟུགས་ཀྱི་སྒྲོམ་གཞི་ལས་པ）

ཕྱོགས་བསྡུས།གྲུ་བཞི་ནར་གཟུགས་ལ་གྲུ12དང་།ཁ་གཏད་ཀྱི་གྲུའིརིང་ཚད་འདྲ་མཚུངས་ཡིན་པས་དེ་དག་མཉམ་འགྲོའི་གྲུ4རེ་བྱས་ནས་ཚོ3ལ་བགོས་ཆོག

（3）རྩེ་ཚེག

རྩེ་ཚེགདྲི་བ།གྲུ་བཞི་ནར་གཟུགས་ལ་རྩེ་ཚེག་ག་ཚོད་ཡོད།（མཉེན་ཆས་དང་སློབ་ཆས་ལས་གྲུ་བཞི་ནར་གཟུགས་ཀྱི་རྩེ་ཚེག་བརྩི་བ）

ཕྱོགས་བསྡུས།གྲུ་བཞི་ནར་གཟུགས་ལ་རྩེ་ཚེག8ཡོད།

2.གྲུ་བཞི་ནར་གཟུགས་ཀྱི་སྲིད་དང་ཞེང་།མཐོ་བཅས་ངོས་འཛིན་པ།

（1）དྲི་བ།རྩེ་ཚེག་གཅིག་ཏུ་བསྣོལ་བའི་གྲུ་གསུམ་གྱི་རིང་ཚད་མཚུངས་སམ།（མི་མཚུངས།）

གསལ་བཤད།རྩེ་ཚེག་གཅིག་ཏུ་བསྣོལ་བའི་གྲུ་གསུམ་གྱི་རིང་ཚད་སོ་སོར་གྲུ་བཞི་ནར་གཟུགས་ཀྱི་སྲིད་དང་ཞེང་།མཐོ་ཟེར།

མཐོ

སྲིད

ཞེང

ཞབས་ངོས་ལས་ཅུང་རིང་བའི་གྲུ་དེ་སྲིད་དང་ཅུང་ཐུང་བ་དེ་ནི་ཞེང་།ཞབས་ངོས་དང་དྲང་འཕྱང་དུ་གནས་པའི་གྲུ་དེ་ནི་མཐོ་ཡིན་པར་གཏན་འཁེལ་བྱས་ཡོད།གྲུ་བཞི་ནར་གཟུགས་དེ་དྲང་མོར་འཇོག་ཚུལ་མི་འདྲ་བའི་སྐབས་སུ་དེའི་སྲིད་ཞེང་མཐོའང་འགྱུར་འགྲོ་བ་ཡིན།（མཉེན་ཆས་ལས་གསལ་བོར་སྟོན་པ）

དྲི་བ།གྲུ་བཞི་ནར་གཟུགས་དེ་དྲང་མོར་བཞག་ཚེ་ཆེས་མང་ན་ངོས་ག་ཚོད་མཐོང་ཐུབ།（ངོས3མཐོང་ཐུབ）

གསལ་བཤད།གྲུ་བཞི་ནར་གཟུགས་དེ་འབྲི་སྐབས་མི་མཐོང་བའི་ངོས་རྣམས་ཚེག་ཐིག་བྲིས་ནས་མཚོན་དགོས།

（སློབ་མར་གྲུ་བཞི་ནར་གཟུགས་འབྲི་རུ་འཇུག་པ）

གསལ་བཤད།ང་ཚོས་གྲུ་བཞི་ནར་གཟུགས་ཀྱི་ཁྱད་ཆོས་ལ་སློབ་སྦྱོང་བྱས་ཟིན།གཤམ་དུ་སྦྱང་གཞི་འབྲི་རྒྱུ།

བཞི།ཚད་ཐོན་ཚད་འཇལ།（མཉམ་དུ་ལེགས་འགྲུབ་བྱེད་པ）

1.འོག་ངོས་ཀྱི་སྲིད་ནིཞེང་ནིཡིན།དེ་དང་མཚུངས་པའི་ངོས་ནི་གང་ཡིན།

7cm

གཡས་ངོས་ཀྱི་སྲིད་ནིཞེང་ནིཡིན།དེ་དང་

8cm

མཚུངས་པའི་ངོས་ནི་གང་ཡིན།

10cm

མདུན་ངོས་ཀྱི་སྲིད་ནིཞེང་ནིཡིན།དེ་དང་

མཚུངས་པའི་ངོས་ནི་གང་ཡིན།

2.ཚོང་ཁང་དུ་སྲིད་ལ200cmདང་།ཞེང་ལ40cmམཐོ་ལ60cmཡོད་པའི་ཤེལ་སྒྲོམ་གྱི་མཐའ་ཚང་མར་ཟུར་ལྕགས་བསྒར་དགོས་པས།ཟུར་ལྕགས་སྨི་ག་ཚོད་དགོས།

སློབ་ཁྲིད་ཕྱོགས་སྡོམ།（མཉེན་ཆས་ལས་དྲི་བའི་ཚུལ་དུ་ཕྱོགས་སྡོམ་བྱེད་པ）

སྒོ་སམ་བཀོད་སྒྲིག

གྲུ་བཞི་ནར་གཟུགས་ངོས་འཛིན་པ།

གྲུ་བཞི་ནར་གཟུགས་ཀྱི་གྲུའི་རིང་ཚད=（སྲིད+ཞེང+མཐོ）×4

=（200+40+60）×4

=300×4

=1200（cm）

ལན།ཟུར་ལྕགས་སྨི12དགོས།

《གྲུ་བཞི་ནར་གཟུགས་ངོས་འཛིན་པ》ཞེས་པའི་སློབ་ཁྲིད་གསལ་བཤད།

གཅིགསློབ་ཚན་གྱི་ནང་དོན་ལ་དབྱེ་ཞིབ་བྱེད་པ།

ནང་དོན་འདི་ནི་ལོ་དགུའི་འགན་བབས་སློབ་གསོའི་བསླབ་ཚན་ཚད་གཞིའི་ཚོད་ལྟའི་སློབ་དེབ།གྲངས་རིག་པ།ལོ་རིམ་ལྔ་བའི་སྨད་ཆའི་སྡེ་ཚན་གསུམ་པ།“གྲུ་བཞི་ནར་གཟུགས་དང་ཁ་གང་གཟུགས”ཞེས་པ་ལས་“གྲུ་བཞི་ནར་གཟུགས་ངོས་འཛིན་པ”དེ་ཡིན།བསླབ་དེབ་ཀྱི་ཤོག་ངོས27ནས29བར་གྱི་ནང་དོན་ཡིན།

གྲུ་བཞི་ནར་གཟུགས་དང་ཁ་གང་གཟུགས་ནི་ཆེས་རྨང་གཞིའི་ལངས་གཟུགས་རིས་དབྱིབས་ཡིན།གྲུ་བཞི་ནར་གཟུགས་དང་ཁ་གང་གཟུགས་ལ་སློབ་སྦྱོང་བྱས་ན་སློབ་མས་རང་གི་ཉེ་འཁོར་དུ་གནས་པའི་བར་སྟོང་གི་དངོས་གཟུགས་ཀྱི་གྲུབ་ཚུལ་ལ་མྱོང་ཚོར་བྱས་ཆོག་པ་དང་།དེང་ཕྱིན་དབྱིབས་རྩིས་ཀྱི་རིས་དབྱིབས་གཞན་དག་ལ་སློབ་སྦྱོང་བྱེད་པའི་རྨང་གཞི་ཡང་ཡིན།འདི་ནི་སློབ་མས་སྟབས་བདེའི་ལངས་གཟུགས་རིས་དབྱིབས་ཁ་ཤས་ཤིག་ངོ་ཤེས་ཟིན་པ་དང་།ངོས་སྙོམས་རིས་དབྱིབས་ཀྱི་ཁྱད་ཆོས་ཀྱང་ཤེས་པའི་རྨང་གཞིའི་སྟེང་དུ་སློབ་ཁྲིད་བྱས་པ་ཞིག་ཡིན།་ལ།སྐབས་འདིར་གོམ་གང་མདུན་སྤོས་ཀྱིས་གྲུ་བཞི་ནར་གཟུགས་ཀྱི་ཁྱད་ཆོས་ལ་སློབ་སྦྱོང་བྱེད་པ་ཡིན།

སློབ་ཁྲིད་ཀྱི་དམིགས་ཚད།

（གཅིག）ཤེས་བྱའི་དམིགས་ཚད།1.གྲུ་བཞི་ནར་གཟུགས་ཀྱི་ཁྱད་ཆོས་རྟོགས་པ།（གཙོ་གནད）

2.གྲུ་བཞི་ནར་གཟུགས་ཀྱི་སྲིད་དང་ཞེང་།མཐོ་བཅས་ངོས་འཛིན་པ།（དཀའ་གནད）

（གཉིས།）ནུས་རྩལ་དམིགས་ཚད།

སློབ་མའི་ལྟ་ཞིབ་དང་།དཔྱད་བསྡུར།ཕྱོགས་བསྡུས་ཀྱི་ནུས་པ་བསྐྱེད་བསྲིང་བྱེད་པ།

（གསུམ།）བརྩེ་སེམས་དམིགས་ཚད།

སློབ་མའི་སློབ་སྦྱོང་གི་དགའ་སྣང་དང་སྤྲོ་སྣང་ལ་སྐུལ་འདེད་དང་།ཕན་ཚུན་འགྲིག་མཐུན་མཉམ་འབྲེལ་བྱེད་པའི་གོམས་གཤིས་བསྐྱེད་བསྲིང་བྱེད་པ།

གཉིས།སློབ་ཁྲིད་ཀྱི་ཡོ་ཆས་ངོ་སྤྲོད།

སྨྱན་མང་གཟུགས་དང་གྲུ་བཞི་ནར་གཟུགས་ཀྱི་སྒྲོམ་གཞི།ད་དུང་སློབ་མ་རང་ཉིད་ཀྱིས་གྲུ་བཞི་ནར་གཟུགས་ཀྱི་དངོས་པོ་སྣ་རེ་གྲ་སྒྲིག་བྱས་ཡོད།

གསུམ།ཁྲིད་ཐབས་དང་སློབ་ཐབས་ངོ་སྤྲོད།

གྲུ་བཞི་ནར་གཟུགས་ནི་ཆེས་རྨང་གཞིའི་ལངས་གཟུགས་རིས་དབྱིབས་ཤིག་ཡིན་མོད།སློབ་མ་ཚོར་མཚོན་ནས་བཤད་ན་ལངས་གཟུགས་རིས་དབྱིབས་ལ་ཞིབ་འཇུག་གསལ་བོ་ཞིག་བྱེད་རྒྱུ་དེ་ཐེངས་དང་པོ་ཡིན།ཁོ་ཚོའི་སྤྱི་མཚན་དུ་གྱུར་བའི་བསམ་གཞིགས་ནུས་པ་དེ་འཕེལ་རྒྱས་སུ་ཕྱིན་མེད་པ་དང་།བར་སྟོང་ལ་འཆར་སྣང་བྱེད་པའི་ནུས་པ་དེའང་ཕུན་སུམ་ཚོགས་པ་ཞིག་མིན་སྟབས།ངོས་སྙོམས་རིས་དབྱིབས་ནས་ལངས་གཟུགས་རིས་ལ་བར་བརྒལ་བྱེད་པ་དེར་ཁོ་ཚོར་དཀའ་ཁག་ཅུང་ཆེ་སྲིད།དེའི་ཕྱིར།སློབ་ཐུན་ནང་དུ་ངས་གཙོ་བོ་སྨྱན་མང་གཟུགས་བཀོལ་ནས་སློབ་ཁྲིད་མཉེན་ཆས་ཐད་མཐོང་བྱེད་པ་དང་སློབ་མ་ཚོར་དངོས་པོར་ལྟ་ཞིབ་དང་།ལག་པས་རེག་པ།ཚད་འཇལ་བ།གྲོས་སྡུར་བྱེད་པ་སོགས་ཀྱི་བྱ་ཐབས་སྤྱད་ནས་ལག་ལེན་དངོས་ཀྱི་ཁྲོད་ནས་གྲུ་བཞི་ནར་གཟུགས་ཀྱི་ཁྱད་ཆོས་འཚོལ་ཞིབ་དང་ངོས་འཛིན་བྱེད་དུ་བཅུག་ཡོད།

བཞི།སློབ་ཁྲིད་ཀྱི་བརྒྱུད་རིམ་ངོ་སྤྲོད།

སློབ་ཐུན་ཧྲིལ་བོ་བརྒྱུད་རིམ་བཞིའི་སྒོ་ནས་ཡོངས་འགྲུབ་བྱས་ཡོད་དེ།

1.སྔོན་འགྲོའི་ཚད་འཇལ།འདིའི་སྐབས་སུ་ཐོག་མར་སྦྱངས་ཟིན་པའི་ངོས་སྙོམས་རིས་དབྱིབས་ལ་དྲན་གསོ་བྱས་ཏེ་སྨྱན་མང་གཟུགས་ཀྱིས་ལངས་གཟུགས་རིས་དབྱིབས་སྐོར་ཞིག་གི་འདྲ་རིས་བསྟན་ནས་ངོས་སྙོམས་རིས་དབྱིབས་དང་ལངས་གཟུགས་རིས་དབྱིབས་ཀྱི་ཁྱད་པར་གསལ་བོར་ངོས་འཛིན་བྱེད་དུ་བཅུག་ཡོད།དེའི་རྗེས་སུ་དཔེ་འཇོག་གི་ཐབས་ལ་བརྟེན་ནས་དུས་རྒྱུན་གྱི་འཚོ་བའི་ནང་དུ་གྲུ་བཞི་ནར་གཟུགས་གང་མང་ཡོད་པ་ཤེས་སུ་བཅུག་ཡོད།དེར་མཐུད་དེ“ང་ཚོའི་ཉེ་འཁོར་གྱི་དངོས་པོ་འདི་དག་གི་གཟུགས་དབྱིབས་གྲུ་བཞི་ནར་གཟུགས་ཡིན་པའི་རྒྱུ་མཚན་ཅི།གྲུ་བཞི་ནར་གཟུགས་ལ་ཁྱད་ཆོས་ཅི་ཞིག་ཡོད།དེ་ནི་དེ་རིང་ང་ཚོས་སློབ་སྦྱོང་བྱེད་དགོས་པའི་ནང་དོན་ཡིན”ཞེས་དྲི་བ་བཏོན་ནས་སློབ་མའི་བློ་ཁ་སློབ་ཚན་གསར་བའི་ནང་འཁྲིད་ཡོད།

2.དམིགས་ཚད་ངོ་སྤྲོད།སློབ་མ་ཚོར་དམིགས་ཚད་ངོས་འཛིན་བྱེད་དུ་བཅུག་ན་སློབ་མས་སློབ་ཐུན་འདིའི་སློབ་སྦྱོང་གི་ཁ་ཕྱོགས་གསལ་བོར་ངེས་ཐུབ་ལ།དགེ་རྒན་གྱིས་གང་འདོད་དུ་ཁྲིད་པར་ཡང་བཀག་འགོག་བྱེད་ཐུབ།

3.ནང་དོན་གསར་བ་ཁྲིད་པ།

（1）གྲུ་བཞི་ནར་གཟུགས་ཀྱི་ཁྱད་ཆོས་འཚོལ་ཞིབ་བྱེད་པ།

ཐོག་མར་གྲུ་བཞི་ནར་གཟུགས་ལ་ངོས་དང་གྲུ།རྩེ་ཚེག་བཅས་ཡོད་པ་ཐད་མཐོང་གི་ལམ་ནས་ངོ་སྤྲོད་བྱས་རྗེས།སློབ་མ་ཚོར་གྲོས་བསྡུར་དང་ལྟ་ཞིབ་བྱེད་དུ་བཅུག་ནས་གྲུ་བཞི་ནར་གཟུགས་ལ་ངོས6དང་།གྲུ12རྩེ་ཚེག8ཡོད་པ་མ་ཟད།ངོས6པོ་གྲུ་བཞི་ནར་དབྱིབས（དམིགས་བསལ་གྱི་གནས་ཚུལ་འོག་ཏུ་ངོས་ཆ་གཅིག་ཁ་གང་དབྱིབས）ཡིན་པ་དང་།ཁ་གཏད་ཀྱི་ངོས་ཡོངས་སུ་མཚུངས་པ།ཁ་གཏད་ཀྱི་གྲུའི་རིང་ཚད་མཚུངས་པ་བཅས་ངོས་འཛིན་བྱེད་དུ་བཅུག་ཡོད།

（2）གྲུ་བཞི་ནར་གཟུགས་ཀྱི་སྲིད་དང་ཞེང་།མཐོ་བཅས་ངོས་འཛིན་པ།

འདི་རིམ་པ་གཉིས་སུ་བཀར་ནས་ཁྲིད་སྟོན་བྱས་ཡོད་དེ།དང་པོ།རྩེ་ཚེག་གཅིག་ཏུ་བསྣོལ་བའི་གྲུ་གསུམ་གྱི་རིང་ཚད་མི་མཚུངས་ལ།སོ་སོར་གྲུ་བཞི་ནར་གཟུགས་ཀྱི་སྲིད་དང་།ཞེང་།མཐོ་བཅས་ཟེར་བ་དང་།ཞབས་ངོས་ལས་ཅུང་རིང་བའི་གྲུ་དེ་སྲིད་དང་ཐུང་བ་དེ་ཞེང་།ཞབས་ངོས་དང་དྲང་འཕྱང་དུ་གནས་པ་དེ་མཐོ་ཡིན་པར་གཏན་འཁེལ་བྱས་ཡོད།ད་དུང་གྲུ་བཞི་ནར་གཟུགས་ཀྱི་སྲིད་དང་ཞེང་མཐོ་བཅས་ཀྱི་ཁྱད་ཆོས་ལས་གྲུ12ཀྱི་རིང་ཚད་བརྩི་ཚུལ་ཡང་ངོས་འཛིན་བྱེད་དུ་བཅུག་ཡོད།གཉིས་པར།གྲུ་བཞི་ནར་གཟུགས་ཀྱི་སྒྲིབ་མེད་རིས་དབྱིབས་ལ་ལྟ་ཞིབ་བྱས་ཏེ་གྲུ་བཞི་ནར་གཟུགས་འབྲི་ཚུལ་ལ་སློབ་སྦྱོང་བྱེད་དུ་བཅུག་ཡོད།

4.ཚད་ཐོན་ཚད་འཇལ།

འདིའི་སྐབས་སུ་སློབ་ཐུན་འདིའི་དམིགས་ཚད་གཞིར་བཟུང་སྟེ་དྲི་གཞི་གཉིས་བཏོན་ནས་སློབ་མར་ལེགས་སྒྲིག་བྱེད་དུ་བཅུག་ཡོད་སྟེ།གཅིག་ནི་སློབ་མས་སློབ་ཁྲིད་ཀྱི་ནང་དོན་ལ་ཕྱིར་དྲན་བྱེད་ཆེད་དང་དེ་ཟབ་བརྟན་དུ་གཏོང་ཆེད་ཡིན།ཅིག་ཤོས་ནི་ཅུང་རྒྱ་བསྐྱེད་དུ་བཏང་བའི་དྲི་གཞི་ཡིན།དེ་ལྟར་བཀོད་སྒྲིག་བྱས་ན་སློབ་མས་རང་ཉིད་ཀྱིས་སྦྱངས་བའི་ཤེས་བྱ་དེ་གཏིང་ཟབ་དུ་གཏོང་ཐུབ་པར་པར་མ་ཟད།དེ་བཀོལ་ནས་དོན་དངོས་ཀྱི་གནད་དོན་ཐག་གཅོད་བྱས་ན་གྲུ་བཞི་ནར་གཟུགས་ཀྱི་ཁྱད་ཆོས་དེ་གཏིང་ཟབ་ཏུ་གཏོང་ཐུབ་པ་དང་ཁོ་ཚོའི་བསམ་གཞིགས་ཀྱི་ནུས་པ་དེ་འཕེལ་རྒྱས་སུ་གཏོང་རྒྱུར་ཡང་ཕན་ཐོག་ཡོད།

མཇུག་ཏུ་རིམ་བཞིན་སློབ་མ་ཚོར་དྲི་བ་འདོན་པའི་སྒོ་ནས་སློབ་ཁྲིད་ཕྱོགས་སྡོམ་བྱས་པ་དང་སློབ་ཐུན་རྗེས་མའི་ནང་དོན་སློབ་སྦྱོང་བྱེད་ཆེད་སྦྱོངས་ཤིག་གི་ལས་བྱ་བཀོད་སྒྲིག་བྱས་ཡོད།

《གྲུ་བཞི་ནར་གཟུགས་ངོས་འཛིན་པ》